महेन्द्रनगर । कञ्चनपुरको महेन्द्रनगरबाट बैतडीका लागि छुटेको बस दुर्घटना भएको छ। शुक्रबार बिहान पाँच बजेतिर पवनदुत यातायातको ना ७ ख २५७० नम्बरको बस बैतडीमा दुर्घटना भएको हो।
जिल्लाको पाटन नगरपालिकाको खोड्पे बजार नजिकै बस अनियन्त्रित भएर दुर्घटना भएको प्रदेश ट्राफिक प्रहरी कार्यालय अत्तरियाले जनाएको छ। ४५ यात्रु सवार बस सडकबाट करीब ५ मिटर तल खसेको छ। बसमा सवार सबै सकुसल रहेका छन् ।केहीलाई समान्य चोटपटक लागेको र उनीहरुको सिद्धेस्वर स्वास्थ्य चौकीमा उपचार भइरहेको छ। बसका चालकलाई प्रहरीले नियन्त्रणमा रहेका छन् ।
दुर्घटनामा मानवीय क्षति नभएको बताइएको छ।